«Հապա եթէ»-ի ծրագիրին հետ կարելի է գործակցիլ եւ թէ՛ երեխաներու հետ, թէ՛ չափահասերու հետ տեղւոյն վրայ աշխատանոցներ ընելու նպատակով կազմակերպուիլ։
It is possible to collaborate with the Haba Yete program
and organize on-site workshops both with children and adults.
Պոլիս - Պաքըրգիւղի Տատեան Վարժարան
(Փետրուար, 2024)
Լոս Անճելըս - Մեսրոպեան Ազգային Վարժարան
(Մայիս, 2024)
Մարսէյլ – Համազգային Վարժարան (Նոյեմբեր, 2022 / Մարտ, 2025) - Նկար
Marseille – Hamazkayin School
Փարիզ – Ալֆորվիլի Ս. Մեսրոպ Արապեան Վարժարան - Նկար
(Փետրուար, 2023 / Դեկեմբեր, 2023)
Paris – Alfortville Saint Mesrop Arabyan School
Գումգաբու – Պէզճեան Մայր Վարժարան (Հոկտեմբեր, 2023) – Տեսերիզ
Istanbul – Bezjian School (Video)
Պուէնոս Այրէս – Մխիթարեան Վարժարան (Փետրուար, 2024) – Տեսերիզ
Buenos Aires – Mekhitarist School
Պուէնոս Այրէս – Ս. Գրիգոր Լուսաւորիչ Վարժարան (Փետրուար, 2024)
Buenos Aires – Saint Gregory the Illuminator School
Պաքըրգիւղ – Տատեան Վարժարան (Փետրուար, 2024 / Յունիս, 2025) - Նկար
Istanbul – Dadyan School
Մոնթեպելլօ – Մեսրոպեան Ազգ. Վարժարան (Մայիս, 2024)
Montebello – Mesrobian National School
Կլէնտէյլ – Վահան եւ Անոյշ Շամլեան Ազգ. Վարժարան (Մայիս, 2024) - Նկար
Glendale – Vahan and Anoush Chamlian National School
Շէրմըն Օքս – Շ. եւ Է. Մերտինեան Հայ Աւետարանական Վարժարան - Նկար
(Մայիս, 2024)
Sherman Oaks – Ch. & E. Merdinian Armenian Evangelical School
Վալանս – Գէւորգ Արապեան Ֆրանսահայկական Վարժարան (Մարտ, 2025) - Նկար
Valence – Kevork Arabyan Franco-Armenian School
Փարիզ – Դպրոցասէր Վարժարան (Մարտ, 2025) - Նկար
Paris – Tbrotzasser School
Փարիզ – Համազգային Թարգմանչաց Վարժարան (Մարտ, 2025)
Paris – Hamazkayin TarKmanchats School
Փարիզ - Համազգային Թարգմանչաց Վարժարան
(Մարտ, 2025)
— Շամլեան վարժարանէն ներս առիթը ունեցանք հիւրընկալելու «Հապա Եթէ» ստեղծարար աշխատանոցներու հեղինակ՝ Գայիանէ Կավրիլօֆը: Ինքը այցելեց վարժարանիս երրորդ կարգի չորս դասարանները: Ան աշակերտներուն հետ ուշադրութեան, յիշողութեան, կշռոյթներով եւ երգերով իւրայատուկ խաղեր ըրաւ, ինչպէս նաեւ յանկարծաբանութեան խաղերով եւ ստեղծարար աշխատանիստով աշակերտներուն երեւակայութեան նոր հորիզոններ բացաւ: Գայանէին ներկայութեամբ աշակերտները շատ հանգիստ եւ ազատ զգացին, մեծ հետաքրքրութեամբ եւ հաճոյքով մասնակցեցան անոր ստեղծած խաղերուն, որոնց ընթացքին զարգացաւ անոնց համագործակցութեան ոգին, զիրար լսելու կարողութիւնը եւ հայերէնով արտայայտուելու եւ յանկարծաբանելու ինքնավստահութիւնը:
Այս աշխատանոցներուն ներկայ եղան նաեւ հայերէն լեզուի ուսուցչուհիներ, որոնք օգտուելով այս խաղային մօտեցումներէն, յետագային իրենց դասարաններէն ներս սկսան այդ խաղերը օգտագործել:
Շնորհակալութիւն եւ վարձքերնիդ կատար «Հապա Եթէ»
— Արփի Տապպաղեան
Շամլեան Վարժարան
Արեւմտահայերէն լեզուի ուսուցչուհի
Լոս Անճելըս - Վահան եւ Անոյշ Շամլեան Ազգային Վարժարան
(Մայիս, 2024)
Մարսէյ - Համազգային Վարժարան
(Նոյեմբեր, 2022)
— «Հապա եթէ»ն զանազան հմտութիւններ զարգացնելու տարբեր ձեւեր ներածեց Համազգային Մարսէյի Ճեմարանի Գ. Դասարանի հայերէնի դասապահէն ներս։ Միասին խաղացինք, մարմինով ստեղծագործեցինք եւ արուեստի գործերու մասին զրուցեցինք։ Այս մէկը առիթ մը եղաւ մեր աշակերտներուն յայտնաբերելու հայերէնը դասէն անդին։ Գայիանէն հեզասահ կերպով բնական կապ մը ստեղծեց երեխաներուն հետ։ Միասին հաճելի, հետաքրքրական եւ օգտաշատ պահ մը անցուցինք, աշակերտները մեծ գոհունակութիւն արտայայտեցին, ինչպէս նաեւ լիցքաւորուած դուրս եկան աշխատանոցէն։
— Լոռի Սարգիսեան
Համազգային Մարսէյի Ճեմարան
Արեւմտահայերէն լեզուի ուսուցչուհի
Խորհրդանշաններ՝
«Սոկրատիկ»
Փիլիսոփայութեան աշխատանոց
Աշխատանոցի ամփոփում՝ այս աշխատանոցին նպատակն է երեխան հրաւիրել յստակ նիւթի մը մասին մտածելու, իրեն գաղափարները եւ ենթադրութիւնները քննարկելու։ Այս բոլորը կը պատահին ճիշդ-սխալ ընտրութիւն կատարելու ճնշումէ հեռու միջավայրի մը մէջ։
«Խաղով համով»
Խաղի աշխատանոց
Աշխատանոցի ամփոփում՝ այս աշխատանոցին նպատակն է խաղերու միջոցաւ մասնակիցը հրաւիրել մեր առցանց ստեղծարար աշխարհին։Գրաւիչ եւ թեթեւ խաղերու շնորհիւ կ՚ուզենք մասնակիցին առիթներ ստեղծել, որպէսզի ան կարենայ ազատօրէն մասնակցիլ աշխատանոցին։
« Հապա եթէ նկարը...»
Նկարներով քննադատական մտածողութեան աշխատանոց
Աշխատանոցի ամփոփում՝ այս աշխատանոցին նպատակն է երեխան հրաւիրել յայտնի գեղարուեստական գործերու մասին մտածելու, իր գաղափարները բաժնելու եւ գործերը քննադատելու։ Այս աշխատանոցը ըստ երեխաներու հետաքրքրութեան կրնայ վերածուիլ նոր ստեղծագործութեան աշխատանոցներու։
« Գաղափար մը ունիմ»
Նորարար մտածողութեան աշխատանոց
Աշխատանոցի ամփոփում՝ այս աշխատանոցին մէջ նոր գաղափարներու հասնելու վարժութիւնները պիտի տեսնենք։
Ինչպէ՞ս կը յայտնաբերենք նոր գաղափար մը։
Ինչպէ՞ս կրնանք տեսնել բաները ուրիշ աչքով մը։
Ինչպէ՞ս կ՚արժեւորենք գաղափար մը։
«Հոփ»
Վերամշակելու աշխատանոց
Այս աշխատանոցին նպատակն է մեր ընտրած նիւթէն մեկնելով ստեղծարար առարկայ մը ստեղծելու ճամբայ մը գծել։ Աշխատանոցին մէջ ստեղծարգործութեան զանազան հանգրուաններէն անցնելով պիտի վայելենք ստեղծարար ընթացքը։
«Ծալլելով փաթթելով»
Ձեռագործելու աշխատանոց
Այս աշխատանոցին միջոցով պիտի յայտնաբերենք օրիկամիի աշխարհը։ Առարկայի մը եռատարածային ձեւ մը տալով նոր արժէք մը ստեղծելու ընթացքը միասին պիտի վայելենք։
«Զրուցիկ»
Զրուցելու աշխատանոց
Այս աշխատանոցին նպատակն է երեխան հրաւիրել` զրուցելու յայտնի նիւթերու մասին ։ Բոլորովին հանկարծակի յառաջանալիք այս աշխաանոցը, բաց է նաեւ երեխային կողմէ առաջարկուած նիւթերու, որոնք առիթ չեն ունեցած արտայայտուելու եւ կամ կիսուելու իրենց առօրեայ կեանքին մէջ։
«Հապա եթէ շարժանկարը...»
Շարժանկարի աշխատանոց
Այս աշխատանոցին միջոցաւ պիտի յայտնաբերենք շարժանկարի աշխարհը, նշելով սինեմային անցեալը եւ իր ձեւերը։ Հոս նաեւ պիտի գործածենք արեւմտահայերէնով առցանց մանկավարժական աղբիւրներ։ Այս աշխատանոցին նպատակն է դիտել ուրիշ աչքով մը, մտածել տեսողական աշխարհին եւ անոր բաղադրիչներուն մասին։
«Հապա եթէ երեսը...»
Թատերական աշխատանոց
Այս աշխատանոցին մէջ մեր երեսը մեր մկանները գործածելով պիտի մուտք գործենք դէպի թատերական աշխարհ։ Բառերէն, խօսքերէն, ուրուագիծներէն հեռու, թատրոնը ինչպէս կրնայինք վայելել տեսնանք, տրամայի աշխարհը յայտնաբերենք։
«Հապա եթէ Լրագիրը...»
Հետազօտութեան աշխատանոց
Այս աշխատանոցին մէջ մեր երեւակայութիւնը գործածելով պիտի ստեղծենք աշխարհ մը, որ ունի իր լուրերը, հարցերը, յայտարարութիւնները եւ ապրումները Հապա ինչպէ՞ս լուր կ՚ունենայիք այս բոլորէն, եթէ լրագիր մը չունենայինք։ Ահաւասիկ «Հապա եթէ լրագիրը»։
« Հապա եթէ հեքեաթը...»
Հեքեաթի աշխատանոց
Այս աշխատանոցին նպատակն է երեխան հրաւիրել պատմութիւն մը յօրինելու հանգրուաններուն մասին մտածելու, իր հանգրուանները ստեղծելու եւ ի վերջոյ յօրինուած պատմութիւնը ուսումնասիրելու։ Հո՛ս, ըստ փափաքի, կրնանք մեկնիլ յայտնի հին հէքեաթներէն, կամ ստեղծել բոլորովին նոր պատմութիւն մը։
նկարէ՛ - շարէ՛ , շարանկար է
Շարանկարի աշխատանոց
Այս աշխատանոցին նպատակն է երեխան հրաւիրել շարանկարի աշխարհ, ուր նկարներով պատմութիւններ պիտի ստեղծուին, կամ ալ՝ պատմութիւններով նկարներ։
